PROVERBI GIOIOSANI - LA GRANDE GIOIOSA

PROVERBI E DETTI GIOIOSANI

tiziano.rossi@libero.it - Home Page: www.lagrandegioiosa.it

A Gioiosa, come del resto in quasi tutta la Calabria, con la parola "dittu" si suole generalmente indicare una locuzione dialettale che risuona di saggezza popolare e viene comunemente usata per sostituire la parola proverbio.

Non c’è cosa che tenga!

I "ditti" a Gioiosa sono sacri, saggi, indiscutibili; sono come un libro di scuola; contengono l’antica sapienza, il cuore, la voce, la saggezza dei nostri antenati; ci tramandano pensieri, emozioni, stati di animo, intelligenza e cultura della gente del popolo.

I proverbi sono, infatti, composti dal popolo e sono rivolti al popolo.

Esprimono ciò che di più intimo contiene l’animo di un “paese”.

Sono “voci” che si tramandano di generazione in generazione, camminano nei ricordi delle persone, divengono genuina espressione del cuore popolare e aiutano a conoscere le aspirazioni, le gioie, i dolori delle persone di una volta.

Racchiudono i sentimenti più intimi e più naturali dello affetto, dell’amicizia, della famiglia; e le parole vibrano tra le rime come un antico richiamo che scuote l’anima e spinge la fantasia a sognare tra il buio di un passato dove il vivere quotidiano era una realtà densa d'amore.

Affido alla cortesia dei miei paesani sparsi nel mondo la saggezza antica dei proverbi raccolti in questa pagina, con la speranza che ciò possa servire a tenere eternamente in vita l'amore per la nostra Gioiosa.

A ttemp'a ttempu la stuppa si fila
e ogni grupp'a llu péttinu veni.

Amuri, bellizzi e dinari,
sunnu tri cosi chi 'nd'ho teni cari.

'A fímmana mala si canusc'i l'occhj
e l'omu mort'i fami d'i stendìcchj.

Aundi pari ca lu lardu spandi
a malapena lu cavulu cundi.

Ammazzàsti 'u porceju e ti chjudisti
e di l'amici toi ti 'ndi futtisti.

'A morti non si spagna d'u médicu.

Amara 'a fímmana maritata,
chi staci c'a socera o c'a canata!

A ccasa 'i forgiaru spit'i lignu.

'A ruta, setti mali astuta.

'A cuda è dur'a scorciari.

Ammuccia, cumpari, ca tuttu pari.

Ama cori gentili e perdi l'anni,

ma ch'i villani non fari disegni.

A ll'omu d'oru non ci dari fidi

e nn'o cridiri mancu s'iju giura.

'A mala crijanza è comu la gramigna:

a scippi, jetta, ma non si sdirregna.

'A bbona palora paga menzu debitu.

A quand'a quandu mi misi 'm'u straju

a mmoju ca mi catti lu ciliju!

'A fimmana ch'annàca l'anca

si pputtana non è, pocu 'nci manca.

Amaru cu' di tia si 'nd'alluntana:

faci 'na vita povara e mischina!

A llumi di candila,

non scigghjiri né zzita e né tila.

'A fímmana è comu 'a gatta,

cchjù a llisci e cchjù s'acquatta.

Aùndi nonci su' figghj,

non jìri pe sordi o pe cunsigghji.

'A dominica d'i parenti,

amar'a casa chi non havi nenti.

'A bella non è bella si n'aggrazia,

cà di la grazia veni la bellezza.

Avogghja mu ndi menti acqua gugghjuta,

c'a cìnnari fa janca la vucata.

Benidici e benidicimu,

menu simu e megghju stacimu.

Beniditta chija pasta

chi ddi vénnari si 'mpasta;

maliditta chija trizza

chi ddi vénnari si 'ntrizza.

Barva hjuruta teni car'a zzita.

Bussa c'u pedi a lu teatru

e vi' ca lu 'mpresariu lapri viatu.

Bbona venuta mo chi mi venisti,

a casa era vacanta e mo a linchisti.

Cu' ti lu dissi a ttia 'm'u ti mariti,

si li sapivi i peni chi 'nd'o pati!

Cu' vaj a' fera e nond'havi tarì,

leva 'na pena e pporta vintitrì.

Cu' non trovau li pecur'a chist'ura

perdíu la lana e la pettinatura.

Cu' non si raspa cu li mani soi

'a mangiasumi nonci passa mai.

Cu' si lu siminàu 'm'u si lu meti,

cu' no 'm'u si lu scippa comu poti.

Campa, cavaju meu ca l'erba crisci,

campa sumeri meu ca maju veni.

Ch'i dinari e c'a 'micizia

'nci rupp'u culu d'a giustizia.

Cu' no 'nd'havi focu no nd'havi locu.

Cu' 'i ddu' rrami vol'u s'acchjappa,

una 'nci a fuj e ll'atta 'nci a scappa.

Cu' tanta cumpagnia, cu' dormi sulu,

cu' tanta tila e ccu' senza cammisa.

Cu' futti e cu non futti,

'u Signuri perdun'a tutti!

Cu' si voli 'nimicari:

'u duna cunsigghj e 'u mpresta dinari.

C'u pocu si campa, c'u nenti si mori.

Cu' amministra, amminestra.

Cu' serpi nesci, serpi mori.

Cu' si guardàu, si sarvàu.

Cu''mbrogghja, resta 'mbrogghjàtu.

Cu' joca sulu no 'm perdi mai.

Caca cchjù 'nu voi ca centu lindiuni.

Cazzu arrittatu non guarda parentatu.

Cu pprèviti, monaci e sbirri

non pigghjar'amicizia ca sgarri.

Cu' 'nd'hav'a corda, lig'o porcu.

Cu' vaj'a funtana si vagna.

Cu' pecura si fa, lupu s'a mangia.

Cu' mangia pani faci mujíchi.

Cu' venn'arredi, cunta i pedati.

Cu' min'o primu, mina ddu' voti.

Cu' ammazza cani e gatti sett'anni

c'a sorti cumbatti.

Cu' di li festi vaj 'm'u travagghja,

l'anima peri e lla faticgha squagghja.

Cu' dassa 'a vecchja p'a nova,

sapi chi dassa e non sapi chi trova.

Chjàcchjari e tabbaccheri 'i lignu,

ô Bancu 'i Napuli m'i 'mpignu.

Casa quant'u po' stari

e vigna quant'u po' zzappari.

Cu' amici e ccu' parenti,

'n'accattàri e no 'm bindiri nenti.

Cu' d'u vecchju si 'nnamura

prestu si ciangi la sbentura.

Cu' pati p'amuri non senti doluri.

Cu' 'nd'havi aviri non poti dormiri.

Cola, tu 'nd'ha' lu nomi di lu lupu,

'na ura chi n'arròbbi si' perdùtu.

Cu' no' mangia ca no' nd'havi pani

e ccu' dijùna pe' divozioni.

Dev'esseri di Patti la pignata

m'u veni la minestra sapurita.

Ddiu 'u 'ndi libara d'a mala vicina,

ch'è fattu com'o diavulu 'm perzuna.

Dinnu ca l'erbi non ennu nenti:

ennu 'u riparu d'a povara ggenti!

Diu 'm'u ti libara d'i fímman'a seggia

e di l'omini o' tagghju!

D'i forasteri tágghianc'i pedi,

d'i paisani pedi e mmani.

E' megghj 'na vota sula arrussicari

e nno centu voti 'ngialliniri.

E' megghju cu 'nu giuvani godiri,

ca cu 'nu vecchju cuntari dinari.

E' megghju mámmita 'u ti ciangi,

ca lu suli di marzu 'm'u ti tingi.

E' mmegghju 'n'amicu 'nt'a chjazza

ca centu ducati 'nt'a bbúggia.

Chiju chi ffaci la vecchj'a 'na simana

si lu futti di pipi a 'na matina.

Fíciaru paci li cani e li lupi:

povari pecurej e affritti crapi!

Frevaru curtu e amaru,

scorcia i vecchji o' focularu.

Fammenta campu potiti sartari,

doppu chi moru nd'aviti a fatigari.

Guardati 'e l'aspidu 'i muntagna

e d'a vipera siccagna.

Grecali e levanti,

acqua d'arrètu e acqua davanti.

Guárdati d'u póvar'arriccutu

e no d'u riccu 'mpovarutu.

I mappini diventaru tuvagghj

e i tuvagghj diventaru mappini.

'I Pasca non pigghjari mugghjèri

e di maju n'accattàri sumeri.

'I vénnari e d'i marti

non si spusa e non si parti.

'I chiju chi bbidi, pocu cridi;

'i chiju chi senti, non cridiri nenti.

I parenti su' com'e scarpi:

cchjù sunnu stritti cchjù ciúncanu.

I parenti sunn'i denti.

I parenti d'u maritu

sunnu serpi d'u cannitu;

i parenti d'a mugghjeri

sunnu duci com'o meli.

I guai d'a pignata

i sapi 'a cucchjàra ch'i míscita.

'I Santa Bibbiana

chjovi 'nu misi e 'na simana.

Jennaru siccu, massaru riccu;

jennaru vagnatu, massaru rovinatu.

Jìdita longhi e mani fini,

i volarríanu puru i rigini.

L'amici novi su' bell'a vidiri,

ma i vecchj non si ponn'abbandunari.

La malasorti mia parzi di tandu,

'i quandu mama mi mis'a 'stu mundu.

La brutta, quand'è brutta di natura,

avogghja pemm'u faci strica e lava.

Li ver'amici e lli veri parenti

su' com'i tiruliji cu ll'ali janchi.

Lussu e mussu, arrassusía!

portanu 'a casa a' pezzenteria.

L'acqua curri aundi 'nc'è pendenza;

'a 'muri curri aundi 'nc'è spiranza.

L'amuri è fattu com'a 'nu citrolu:

cumincia duci e finisci c'amaru.

Megghju 'nu maritu povareèju

ca 'nu gazzu 'mperaturi.

Megghju 'nu marg'aggiustamentu

ca 'nu grassu liticari!

M'avantu e m'avant'eu,

bellu ciucciu chi sugn'eu.

N
'Nci voli puru culu a llu cacari
ca si 'ngrupp'o gudeju po' moriri.
'Nci vonnu milli ccippi di qantara,
ca li focu di pagghja pocu dura.
Non su' li belli chi ti fannu amari,
ma sù li modi e li belli maneri.
Non ciangiu a pátrima chi moriu,
m'a morti chi a me casa si 'mparàu.
Non fari beni ch'è perdutu,
non fari mali ch'è peccatu.
Non servi lu tabaccu 'm'u domandi,
si non ti cacci 'u vizju, accattatindi.
Non è civili cu' civili nesci,
ma è civili cu' civili pasci.

O
Oji, patri, mi cumpessu:
vaj'a casa e ffazzu'u stessu.
Omu a vintottu e fimmana a diciottu.
Ogni morzu è rimporzu.
Ogni 'mpedimentu è giuvamentu.
Ogni hjuri è signu d'amuri.
Ottobri coci l'ova
ca lu caddu fac'i chjova.

P
Pòvara 'mpigna e spurtunata sola,
s'esti cusuta mala, pocu dura.
Porci, cani e figghjòli
com'i 'mpari i trovi.
Povaru sì, latru pecchì?
Perdiv'u maritu, perdivi l'amuri.
P'a vucca no 'nc'è cabeja,
p'o culu no 'nc'è porteja.
Provviditi i provviduti
ca nu' póvari simu 'mparati.
Prima Natali no friddu e no fami;
doppu Natali friddu e fami.
Pemm'u canusci a 'n'amicu leali,
'nd'ha' 'm'u mangi 'na sarma di sali.
Pputtani, facìti, facìti,
ca bbona furtuna 'nd'avìti, 'nd'avìti.

Q
Quandu vidi lu mundu pietusu
cerca cipùja e nnon cercari casu.
Quandu la strangia, quandu la pipita,
la gajnèja mia semp'è malata.
Quandu lu zzoppu si pigghja di lena
comu la leva chij'anca baggiana!
Quandu pe 'n'ossu vannu tanti cani,
cu' resta gurdu e cu' resta a ddijùnu.
Quandu viditi 'a néspuli arriditi,
ca è su' lu primu fruttu di la 'stati.
Quandu viditi pérzica ciangiti,
ca su' l'urtimu fruttu di la 'stati.
Quand'arrivi â cinquantina,
ti succedi un' â matina.
Quandu l'amuri non nesci d'u cori
è com'a 'na pitteja senza sali.
Quand'è tempu i "zzappa e puti",
no cumpari e nno niputi;
quand'è tempu i "vindignari",
tutti niputi e tutti cumpari.
Quandu finisci 'u vinu 'nt'a gutti,
l'amici si 'ndi vannu propiu tutti.
Quandu hjuri 'a mmendulara
è 'na vera minzognara;
quandu hjuri la bruvera
è ddaveru primavera.
Quand'ajívi spógghjanu a maju,
'nt'a l'ogghjaru nonc'esti taju.
Quandu si senti 'u frischjottu sonari,
è signu ca vinni lu Santu Notali.
Quandu si voli serviri 'n'amicu,
si dassa jíri la rrobba e lu focu.
Quandu si strínginu i gutti,
i gajíni spígghjanu tutti.
Quand'u puticgharu è sup'a porta,
'u vinu non è bbonu.
Quandu 'u pérzicu hjuri e matura,
'a notti c'u jornu si misura.
Quandu 'mparavi 'm'u fazzu barritti,
l'omani diventaru senza testa.
Quandu canta 'a gajína
o mor'a patrùna o mor'a vicina.
R
Rrobba arrobbata, poca durata.
Restau abbrusciàtu 'i l'acqua fridda.
Rragghj di ciucciu n'arrivanu 'n celu.
Rrobba mia statti cu mmia.
Rrobba mia, statti cu mmia.
Ranu a mità e síricu 'n terzu.
Risu e maccarruni,
doppu 'na ura simu dijuni.
Runcuni e curteju pe l'árburu beju.

S
S'a fìmmana no' nesci a pprima vuci,
signu c'a sirinata nonci piaci.
Si vvo' vidiri l'omu quant'è fessa,
guardalu quandu teni la matassa.
Sbenturata 'a maritata
chi campa c'a socera e c'a canata.
Si vvo' 'm'ajumi prestu la lumera,
pígghjati 'nu tizzuni di ficara.
Si bbeni marzu e ti trova malatu
è mmegghju 'm'u ti fannu lu tambutu.
Sciruppu 'i cantina e pínnul'i cucina
conzan'a panza e allerganu lu cori.
Stuppa mi dasti e stuppa ti filavi,
tu mi tingisti e d'eu t'annirghicavi.
Sup'o mortu si canta 'u misereri.
Si Cola cacava non moría.
Si vvo' vidiri l'omu valenti,
mèntinci 'na fímmana davanti.
Si vvo', figghjolu, 'm'u campi filici
ama la bella ch'a llu cori piaci.
Si futt'a lira e ccu' a penza!
S'era sumeri non si sdarrupava.
Sordi e carti si cúntanu.
Si vidi porta larga, tras'i hjancu.
Senz'arrobbari non si po' campari.
Si vo' vidiri l'omu crepari,
iju 'm'u parra e tu non rispundiri.
Senza pratica e senz'usu,
non si po' girar'u fusu.
Spartituri, sparti bbeni
ca non sa' quali ti veni.
Si vvo' vidiri la fimmana massara,
guardala quandu smiccia la lumera.
S'è ddestinat'u mori, mor'o scuru,
puru ch'è ffigghj'i mastru candilaru.
Si lu pícciulu voli ciangiri
cu lu randi si devi mentìri.
Senza li sordi non si canta missa,
prèviti senza stola non cumpèssa.
Si vvo' gabbar'u vicinu,
cúrcati prestu e lévat'u matinu.
Si marzu pungi,
giuvani e vecchj vótanu l'unghji.
Si mmonaca ti fa' lu 'mpernu'attizzi,
si ti mariti lu 'mpernu t'abbrazzi.
Si vvo' pèrdiri l'amicu
o maritalu o fallu zzitu.
Si vvo' 'u ti trovi beni,
pigghja 'u mundu comu veni.

T
Tri sunn'i potenti:
'u papa, 'u rre e 'u pezzenti.
Tantu 'm'u dura la mala vicina,
pe quantu dur'a nivi marzolina.
Tratt'e fimmani cu ffeli
e lli masculi cu mmeli.
T'abbàca pemm'u fa' trizz'e cannola
c'o santu ch'è di màrmuru non suda.
U
'U mangiari e lu mbiviri ti sana,
la troppa mala vita ti cunzuma.
'U ranu si n'o simini non crisci,
l'omu no 'mpara mai si no 'm patisci.
'U jimburusu ammenz'a via
'nci vidía 'u jímbu a ccu' n'o 'nd'avía.
'U ciucciu chi mangia a la ficara,
lu viziu si lu caccia quandu mori.
'U dottu si capisci d'u parrari
e 'a campana d'u 'ntinnu.
'U gabbu cogghji sup'o labbru.
'U pisci puzza d'a testa.
'U cumpari 'nt'o bisognu pari.
'U riccu scianca, 'u povaru ripezza.
'U jornu 'i San Martinu,
caccia l'acqua e ment'u vinu.
'U lupu non po' far'u pecuraru
e 'a gurpi la guardiana d'i gajíni.
'U bisognu ti caccia d'a casa.
'U beni vaji aund'è 'mparatu.
'U saziu non crid'u dijunu.
'U veru medicu è Ddiu!
'U sangu sifriji e non s'arrusti.
'U parrai è arti leggera.
'U curteju a mmani to'
è com'a lanterna a mmanu di l'orbu.

V
Vali cchjù 'na carizza
ca 'na carrozza.
Veduva, figghja mia, 'nt'a casa tua,
e nno schjetta 'nt'a casa 'i frata.
Vicini me', specchjali me'.
Vásciati, juncu, ca passa la china.
Vali cchjù 'nu pattu ca centu palori.
Vinu amaru, ténilu caru.
Vinu bbonu fin'a fezza,
tila nova fin'a pezza.

Z
Zappatu 'i fímmana e aratu 'i vacca,
amara chija terra chi 'nci 'ncappa.
Zzóccula, vróccula e predicaturi,
passata Pasca perdin'u sapuri.

tiziano.rossi@libero.it - Home Page: www.lagrandegioiosa.it